ترينت أرنولد يودع ليفربول بعد 20 سنه وبيقول ممكن أروح مدريد
تاريخ النشر:
منذ 9 ساعة
ترينت ألكسندر أرنولد نجم ليفربول والظهير الأيمن للريدز أعلنها خلاص وقال إنه هيغادر النادي في نهايه الموسم الجاري وده بعد 20 سنه قضاهم جوه أسوار النادي من وهو طفل في الأكاديميه.
ارنولد نشر بيان على حسابه في إكس وقال فيه إن القرار ده أصعب حاجه أخدها في حياته بس حاسس إنه محتاج تجربه جديده وتحدي مختلف بعيد عن ليفربول.
وأضاف إنه كان ساكت طول الفتره اللي فاتت عشان كان كل تركيزه على الفريق وهدفهم يوصلوا للقب البريميرليج رقم 20 وإنه هيكون دايمًا شاكر لكل الناس اللي ساندوه في رحلته من مدربين واداره ولاعيبه وجمهور.
ارنولد لعب 352 ماتش مع ليفربول سجل فيهم 23 هدف وصنع 92 وكمان رفع 9 بطولات مع الفريق منهم دوري أبطال وكأس عالم للانديه ودوري إنجليزي.
الصحف بتقول إن أرنولد احتمال كبير يروح لريال مدريد في الصيف الجاي وده هيكون انتقال تقيل لو حصل فعلا.
أحدث الأخبار
saudionportal.com
