بوسكيتس بيقول إنتر ميامي مش جاهز وماتش الأهلي هيكون صعب
سيرجيو بوسكيتس نجم إنتر ميامي الأمريكي قال بصراحه إن فريقه مش في المستوى اللي يخلّيه ينافس في بطولة كأس العالم للأنديه اللي هتتلعب في أمريكا من 14 يونيو لحد 13 يوليو الجاي.
إنتر ميامي، اللي بيمثل البلد المضيف وقع في مجموعه صعبه فيها الأهلي المصري وبالميراس البرازيلي وبورتو البرتغالي وده خلى بوسكيتس يصرّح لشبكة DAZN ويقول واضح إننا مش في مستوانا لكن هنحاول نلعب على كل ماتش لوحده وننافس في المجموعه
كمل كلامه وقال إحنا عارفين إن التأهل مش سهل بس بنأمل نوصل للدور اللي بعده رغم صعوبة المنافسه
الجدير بالذكر إن إنتر ميامي بيعيش فتره مش مظبوطه خالص وخسر من كام يوم في بطولة كونكاكاف ونتايجه متذبذبه بشكل ملحوظ والجمهور مش راضي عن الأداء.
الفريق هيبدأ مشواره في البطوله بماتش صعب قدام الأهلي والمباراه دي هتكون الافتتاح والكل مستني يشوف هل بوسكيتس ورفاقه هيقدروا يردوا في الملعب ولا لأ.
التصريحات دي فتحت كلام كتير على السوشيال ميديا ما بين ناس شايفه إنه صادق وناس شايفه إنه بيحبط فريقه قبل البطوله.
