برشلونه يعلن القايمه الرسميه قدام الإنتر وليفا راجع بعد الغياب
اعلن نادي برشلونه الإسباني عن قايمته الرسميه اللي هتسافر لمواجهة إنتر ميلان الإيطالي في إياب نصف نهائي دوري أبطال أوروبا والماتش هيكون بكرا التلات بعد ما انتهى الذهاب في كامب نو بتعادل مثير 3-3.
الخبر الحلو لعشاق البرسا هو رجوع البولندي ليفاندوفسكي بعد ما غاب 4 مباريات ورا بعض بسبب الإصابه وبتقول الصحافه الإسبانيه إنه غالبًا هيبدأ الماتش على الدكه وهيشارك كبديل.
في نفس الوقت أليخاندرو بالدي لسه مصاب ومش هيكون موجود في القايمه.
القائمة ضمت فويتشيك تشيزني إيناكي بينيا، وأندير أسترالاجا في حراسة المرمي أما الدفاع فيه هيكتور فورت إيريك جارسيا كوبارسي إنييجو مارتينيز أراوخو، كريستنسن جيرارد مارتن وفاري.
وفي نص الملعب دي يونج بيدري جافي، داني أولمو فيرمين لوبيز ونوح درويش والهجوم فيه يامال فيران توريس أنسو فاتي باو فيكتور رافينيا وليفاندوفسكي.
برشلونه داخل الماتش وهو عينه على النهائي بس الإنتر مش سهل خصوصًا على ملعبه والجمهور مستني يشوف إذا ليفا هيكون الورقه الرابحه ولا لأ.
