غرامة مالية كبيرة على زيزو بعد ظهوره الإعلامي رغم الحظر
كشفت مصادر من داخل نادي الزمالك إن النادي قرر يفرض غرامة ماليه على أحمد مصطفى زيزو بعد ما ظهر في برنامج على قناة MBC مصر 2 وده رغم الحظر الإعلامي اللي حاطه النادي على لاعبيه في الفتره الحاليه.
اللاعب ظهر واتكلم عن عودته للتدريبات بعد فترة انقطاع وقال إنه تحت أمر الزمالك ودي كانت أول تصريحاته بعد الغياب.
لكن إدارة الزمالك ما عجبهاش خرق الحظر وقررت تطبق اللائحة الداخلية للنادي وبكده تم توقيع غرامة عليه بقيمه 200 ألف جنيه حسب ما أكده مصدر داخل النادي.
المصدر نفسه قال إن القرار نهائي وإن الغرامه هتتخصم من مستحقات زيزو مباشرة لأن اللائحة واضحه في الحاجات دي ومفيش فيها تفاوض.
الغريب إن زيزو لسه ما رجعش فعليًا للتدريبات ولا حضر تحقيقات وكل اللي حصل إنه اتكلم في الإعلام وده اللي زود غضب الإدارة خصوصًا في وقت حساس زي ده.
الجدير بالذكر إن الزمالك بيعيش فتره صعبه فنيًا وإداريًا، وبيحاول يفرض الإنضباط التام على الفريق علشان يقدر يرجع للمنافسة بقوه الفترة الجاية
