في واحدة من أكتر اللحظات اللي بيحلم بيها أي مشجع كتالوني، أعلن نادي برشلونة عبر موقعه الرسمي إن جمهوره هيكون حاضر وبقوة في مباراة العودة ضد إنتر ميلان في نصف نهائي دوري أبطال أوروبا، واللي هتتلعب على ملعب “جوزيبي مياتزا”.
النادي أكد إن الفريق مش هيلعب لوحده، لإن أكتر من 3064 عضو من النادي هيسافروا لميلانو، بجانب 1027 مشجع من 158 نادي رسمي للمشجعين من مختلف أنحاء العالم، علشان يقفوا ورا فريق هانز فليك في مواجهة حاسمة ممكن تقلب موسم البرسا كله.
الحضور الجماهيري ده يُعتبر الأكبر لبرشلونة خارج أرضه الموسم ده، وبيتفوّق حتى على اللي سافروا قبل كده لملاعب كبيرة زي “دا لوز” في لشبونة أو “سيغنال إيدونا بارك” في ألمانيا.
ومن اللافت كمان إن أكتر من نص الجماهير المسافرة جايين من روابط مشجعين دولية، وخصوصًا من بولندا، إيطاليا، وسويسرا، بحكم إن المسافة قريبة نسبيًا من ميلانو.
كمان الجماهير الكتالونية والإسبانية مش هتفوت الفرصة دي، وهتكون حاضرة بأعداد كبيرة في المدرجات، علشان توّلد أجواء نار وتشد من أزر اللعيبة.
برشلونة داخل المباراة دي وعينه على بطاقة التأهل للنهائي، وبيتمنّى إن الدعم الجماهيري ده يكون هو الدفعه اللي يحتاجها الفريق علشان يرجع تاني لمنصات التتويج الأوروبية، ويكتب صفحة جديدة من المجد الكتالوني.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
