ترينت ألكسندر أرنولد يودع جماهير ليفربول برسالة تبكي القلب
في لحظة مليانة مشاعر وحنين، وجه ترينت ألكسندر-أرنولد رسالة مؤثرة لجماهير ليفربول قبل ما يودعهم في نهاية الموسم ده، بعد رحلة دامت 20 سنة في النادي اللي بدأ فيه وحفر اسمه فيه بحروف من دهب.
أرنولد قال في رسالته: “في حاجات كتير عايز أقولها، بس أهمها شكري الكبير ليكم. كنتوا معايا من الأول، دعمتوني ووقفتوا جنبي، حسّيت دايمًا بحبكم، ومش ناسي ولا لحظة من اللي قدمتوها عشاني استمتعت بكل لحظة، وبجد أتمنى تكونوا حسيّتوا إني كنت بدي كل اللي عندي للنادي.”
وتكلم كمان عن لحظات عمره اللي عاشها مع جمهور ليفربول وقال: “عملت حاجات مكنتش أتخيل في يوم إني هعملها، وإنها تبقى مع جمهور زيكم، دي حاجة مستحيل تتنسي عندي ذكريات هتفضل محفورة جوايا طول عمري.”
أرنولد ختم كلامه بكلمات مؤثرة وقال: “أنا راجع، مفيش شك في كدا. يوم من الأيام، هجيب ولادي معايا أنفيلد، وأفرّجهم على الفيديوهات، وأقولهم شوفوا باباكم لعب هنا وحقق حاجات عظيمة.”
وأضاف: “شكرًا من قلبي على دعمكم، على الحب اللي كنت بحس بيه كل يوم، على وقفتكم جنبي دايمًا حتى لو مشيت من الفريق كلاعب، هفضل دايمًا مشجع ليه، وبحب النادي ده من جوا قلبي.”
الجماهير طبعًا اتأثرت بالكلام، وفي كتير بدأوا يودعوه على السوشيال ميديا بكلام من القلب، لأن أرنولد مش مجرد لاعب في الفريق، ده واحد من أبناء ليفربول الحقيقيين.
