ترينت ألكسندر-أرنولد يعلن رحيله عن ليفربول بعد 20 سنة
أعلن النجم ترينت ألكسندر-أرنولد، لاعب ليفربول، عن قراره النهائي برحيله عن النادي بنهاية الموسم الجاري بعد مسيرة طويلة امتدت 20 سنة داخل “أنفيلد”، وهو القرار اللي أكيد حزين على جميع الجماهير اللي نشأت معه في النادي.
في بيان مؤثر نشره على حساباته الرسمية، قال أرنولد: “بعد 20 سنة في ليفربول، حان الوقت لأؤكد رحيلي بنهاية الموسم والقرار ده أصعب قرار في حياتي، وعارف إن في ناس كتير اتساءلت ليه مافيش كلام عن ده قبل كده، لكن كان تركيزي كله على مصلحة الفريق، اللي كان هدفه الرئيسي الحصول على الرقم 20.”
وأضاف: “هذا النادي كان حياتي كلها. من أول ما دخلت الأكاديمية لحد دلوقتي، الدعم والحب اللي لقيته من الجميع داخل النادي ومع جماهيرنا الرائعة هيفضل معايا للأبد.”
أرنولد أكد إنه كان لازم يخرج من منطقة راحته ويجرب تحدي جديد، وهو عارف إن ده مش هيكون سهل على الجميع، لكنه قرر إنه يبذل جهد أكبر ويتطور كـ لاعب وكـ شخص.
وفي ختام رسالته، شكر أرنولد الجميع: “شكرًا لمدربي، زملائي، طاقم العمل، وكل جماهير ليفربول الرائعة اللي دعموني كل السنين دي. حبي للنادي ده عمره ما هيخلص”.
الكل هيتذكر اللحظات اللي صنعها ترينت مع ليفربول، وهتفضل صورته في قلب كل مشجع للنادي.
