كافو يشيد بلامين جمال ويعتبره أفضل لاعب شاب في العالم
الأسطورة البرازيلية كافو طلع بتصريح مثير عن نجم برشلونة ومنتخب إسبانيا لامين جمال، وقال عنه إنه أفضل لاعب شاب في الوقت الحالي، وإنه عامل فرق كبير في الكورة رغم سنه الصغير.
كافو قال: “شخصية لامين باين عليها أكبر من سنه، وكإنه لاعب بقاله سنين بيلعب واللي عمله مع منتخب إسبانيا، وكمان اللي بيقدمه مع برشلونة، بيأكد إنه من أهم المفاجآت في عالم الكورة النهارده”.
وما وقفش عند كده، كافو كمان أكد إن لامين يستحق كل الجوائز اللي خدها، وآخرهم جايزة “لوريوس” العالمية ووضح إن موهبة لامين مش عادية، وإنه فعلاً من أبرز الأسامي حاليًا سواء على المستوى المحلي أو العالمي.
اللاعب الشاب شارك في 50 ماتش مع البارسا الموسم ده، وسجل 15 هدف، وعمل 24 أسيست وأرقام كبيرة بالنسبة لسنه، وبتوضح قد إيه هو نجم صاعد بقوة، وممكن يبقى من أساطير الكورة في المستقبل لو استمر بنفس المستوى.
