ريال مدريد في مفاوضات صعبة لضم ترينت أرنولد قبل كأس العالم للأندية
ريال مدريد لسه شغال على تحديد الموعد المثالي علشان يضم ترينت ألكسندر-أرنولد للفريق، في ظل التحديات اللي بتواجهه في موضوع العقد وتواريخ تسجيل اللاعبين.
الاتحاد الدولي لكرة القدم “فيفا” فتح نافذتين خاصتين لتسجيل اللاعبين اللي هيلعبوا في كأس العالم للأندية: من 1 ل 10 يونيو، ومن 27 يونيو ل 3 يوليو.
لكن العقبة الكبيرة هي إن ترينت لسه مرتبط بعقد مع ليفربول لغاية 30 يونيو، وبالتالي لو ريال مدريد عايز يضمه في الفترة الأولى من النافذة، هيدطر كسر العقد قبل ما ينتهي.
ليفربول مش ضد فكرة التفاوض على هذا الخيار، لكن النادي الإنجليزي طالب بتعويض مالي مقابل السماح للاعب بالانتقال في الفترة دي.
التقارير الإنجليزية بتقول إن ريال مدريد قدم عرض أولي قيمته 500 ألف يورو فقط، واللي اعتبره ليفربول عرض غير كافي.
لغاية دلوقتي، الموضوع مش محسوم، ومافيش قرار نهائي إذا كان ترينت هينضم لريال مدريد قبل كأس العالم للأندية في يونيو، ولا هينتظر لغاية يوليو علشان يبدأ مع الملكي رسميًا.
