كنده علوش بتتكلم عن مرضها وسوريا ومسلسل إخواتي مع لميس
النجمه كنده علوش هتكون ضيفه الإعلاميه لميس الحديدي بكره التلات فى برنامج كلمه أخيره على قناه ON وهتحكى عن النجاح الكبير لمسلسل إخواتي ودور ناهد اللى أقنعها بيه المخرج محمد شاكر خضير واللى كان مفاجأه رمضان اللى فات.
كنده قالت إن شخصيه الكوافيره كانت تحدى كبير لكنها اشتغلت على تفاصيل الشكل والأداء علشان تقدم حاجه مختلفه عن أى دور شافته قبل كده وفعلاً الناس حبت الدور وتعاطفت معاه.
وهتحكى كمان عن بلدها سوريا، وذكريات طفولتها هناك، وإمتى ناويه ترجع تزورها بعد غياب سنين، وأول مكان عايزه تروحه هناك.
وكشفت كنده عن معاناتها مع المرض، وازاى اكتشفته وبدأت رحلة العلاج وكلامها عن أصعب اللحظات اللى مرت بيها، وقد إيه الكشف المبكر مهم خصوصًا لسرطان الثدي.
ومن ناحيه تانيه، هتحكى عن علاقتها بزوجها الفنان عمرو يوسف وأولادهم حياه وكريم وتجربتها مع الأمومه اللى غيرت حياتها.
الجدير بالذكر إن مسلسل إخواتي شاركت فيه كنده مع نجوم كبار زى نيللي كريم وروبي وغيرهم وحقق نجاح كبير فى رمضان.
