سيكو سيكو يكتسح الإيرادات وأفلام تانيه بتحاول تلحق السباق
لسه المنافسه مولعه بين أفلام عيد الفطر والجمهور مستمر يروح السينما يدور على الضحك والتسليه والفيصل لسه هو شباك التذاكر اللى بيقول مين كسب ومين لسه بيحاول امبارح الأحد 4 مايو 2025 السينمات فى مصر شافت حركه حلوه والإيرادات وصلت لحوالى مليون و418 ألف جنيه.
فيلم سيكو سيكو كان نجم اليوم كسر الدنيا بإيرادات وصلت لـ1,172,320 جنيه متفوق بفارق كبير على بقيه الأفلام الفيلم قصته عن شابين واحد شغال فى شركه شحن والتانى مدمن ألعاب بيتعرضوا لمواقف كتيره ضحك ومفاجآت.
بيشارك فى البطوله عصام عمر طه دسوقى، خالد الصاوى، وتارا عماد، إخراج عمر المهندس وتأليف محمد الدباح
فى المركز التانى فيلم نجوم الساحل بـ123,074 جنيه، من بطوله أحمد داش ومايان السيد، قصته شبابيه خفيفه.
وجاى بعده لصفا ثانويه بنات بـ94,521 جنيه فيه علي ربيع وبيومي فؤاد، كوميديا عن مدرس بيدرب فريق كره بنات.
أما استنساخ جاب 23,868 جنيه، وفار بـ7 أرواح حقق 4,977 جنيه بس.
واضح إن سيكو سيكو ماشى لوحده فى السكه، وباقى الأفلام بتحاول تلحق.
