إنزاغي: إيقاف لامين جمال مهمة صعبة لكن لازم نتوقفه في إياب دوري الأبطال
قبل المواجهة الكبيرة بين إنتر ميلان وبرشلونة في إياب نصف نهائي دوري أبطال أوروبا، اعترف سيموني إنزاغي، مدرب الفريق الإيطالي، أن مهمة إيقاف لامين جمال هتبقى شاقة جدًا، خصوصًا بعد الأداء الرائع اللي قدمه في مباراة الذهاب.
المدرب الإيطالي قال إنهم هيحاولوا يوقفوا لامين بأي طريقة ممكنة، لكن ده هيتطلب رقابة مزدوجة عليه، مع تركيز كبير عشان يقدروا يحدوا من خطورته.
إنزاغي قال كمان إن لامين موهبة عظيمة، وخطير جدًا في الملعب، وكل لاعب في برشلونة دايمًا بيمرر له الكرة وزاد وقال: “أكثر حاجة أبهرته فيه هي سرعة تفكيره، ده بيوضح دايمًا هو عايز يعمل إيه في كل لحظة.”
وكل دا يعني إن السيطرة على لامين هتبقى من أصعب التحديات لفريقه، خاصة بعد المستوى اللي ظهر بيه في المباراة اللي انتهت بالتعادل 3-3 في كتالونيا.
الكل في انتظار المباراة دي عشان يتأكدوا هل هيقدر إنزاغي يوقف لامين جمال ولا لا، خصوصًا بعد الضغط اللي هيتعرض له الفريق الإيطالي من مهاجمين برشلونة بشكل عام والموهبة الشابة بشكل خاص.
