عمرو دياب يولّع دبي قدام 100 ألف وبـ يتحضّر لجامعة القاهرة
الهضبه عمرو دياب عمل حفله أسطوريه فـ القريه العالميه بـ دبي، واللي حضرها أكتر من 100 ألف واحد وسط تفاعل جنوني من الجمهور اللى كان بيغني معاه أغنيه ورا التانيه الهضبه غنى كوكبه من أشهر أغانيه زى يا أنا يا لأ قمرين ور العين ده لو اتساب وغيرهم كتير.
وعلى المسرح شكر عمرو دياب كل اللى ساهموا فـ الليله وقال شكراً للجمهور الجميل ده وسط تصفيق مابيسكتش.
ومن ناحيه تانيه، عمرو بيستعد لحفل ضخم يوم 16 مايو فـ الجامعه الامريكيه بـ التجمع وهيغني فيه أغاني من التسعينات والتمانينات اللى محفوره فـ دماغ الجمهور من سنين.
التذاكر نزلت على موقع تذكرتي بأسعار متفاوته من 1000 جنيه للفئه العاديه لحد 500 ألف للفئه الأعلى sky box والتذاكر غير قابله للاسترجاع والدخول من سن 7 سنين والدخول بيقف بعد قفل البوابات.
كمان، الهضبه بيجهز لألبومه الجديد لصيف 2025 اللى هيكون فيه 13 أغنيه جديده، من ضمنهم المنتظره يا خبر أبيض اللى اتأجلت من العيد وهتنزل مع الألبوم، وبيتعاون فيه مع شعراء كبار زى تامر حسين وعزيز الشافعي.
