كريم محمود عبد العزيز بيحتفل بعيد ميلاد بنته حبيبه وسط عيلته
احتفل النجم كريم محمود عبد العزيز بعيد ميلاد بنته الصغننه حبيبه فـ جو عائلي بسيط وجميل حضر فيه مراته وبناته التلاته كنده الكبيره، وخديجه الوسطانيه وحبيبه اللى اتعملها العيد ميلاد وكمان كان موجود أخوه الفنان محمد محمود عبد العزيز ومراته ساره عبد الكريم.
كنده بنت كريم نشرت صورتين من الاحتفال على حسابها عالإنستجرام وكتبت عيلتي الجميله عيد ميلاد سعيد يا حبيبه وفى صوره تانيه قالت ربنا باركني بعيله أحسن من اللى كنت بحلم بيها
كريم كان اتكلم عن بناته قبل كده في لقاء تلفزيوني وقال كنده وخديجه وحبيبه دول أحلى حاجه حصلتلي وأكد إنه حب يتجوز بدري علشان ميكونش الفرق بينه وبين ولاده كبير وإن مسئولية الأبوه خلت اختياراته في الشغل تختلف.
آخر أعماله كان فيلم الهنا اللي أنا فيه مع دينا الشربيني وياسمين رئيس وحقق إيرادات وصلت لـ 55 مليون جنيه وبيظهر كضيف شرف في فيلم المشروع X اللي هينزل 21 مايو، وكمان بيستعد لمسلسل مملكة الحرير اللى هيتعرض قريب على Watch It مع بيتر ميمي ومجموعه من الفنانين
