شيرى عادل تنشر فيديو طريف لـ سلوى خطاب وصدقى صخر بالمهرجان
نشرت الفنانه شيرى عادل فيديو لطيف بين النجمه سلوى خطاب والفنان صدقى صخر وهما راكبين الطياره فى طريقهم لحضور مهرجان أسوان الدولى لأفلام المرأه وظهرت سلوى وهى قاعده جنب باب الطوارئ ومتوتره جدًا وقالت انتو بتقعدونا جنب باب الطوارئ فرد عليها صدقى وقال عشان نعرف نقعد مرتاحين قامت قالتله لا أنا هقوم أنزل مش هكمل الرحله هيطلعونى عن شعورى
الفنان صدقى صخر بينافس فى مهرجان أسوان من خلال فيلمه الجديد ولا عزاء للسيدات وده الفيلم المصرى الوحيد المشارك فى المسابقه الرسميه فى الدوره التاسعه من المهرجان والفيلم من إخراج وتأليف محمود زين ومن إنتاج المعهد العالى للسينما.
أحداث الفيلم بتدور حوالين أخين زاهر ومراد، لما أختهم العشرينيه هيام تتوفى وهى مش متجوزه، يكتشفوا علامات عضّات حب على جسمها قبل الغُسل، وده بيعمل مشكله كبيره بسبب الخوف من الفضيحه.
الفيلم بيشارك فيه كمان سهيله الأنور وناديه حسن ومحمود يحيى، والمخرج محمود زين قال إن هدفه من الفيلم هو مناقشة قضايا النساء بشكل جرىء ومختلف، وده اللى شجع صدقى صخر كمان يشارك.
