تارا عماد تشيد بأحمد مالك وتصريحاتها تثير الجدل عالسوشيال
خلال ساعات قليله اسم الفنانه تارا عماد اتصدر التريند على السوشيال ميديا بعد كلامها عن الفنان أحمد مالك في برنامج تلفزيونى واللى مدحت فيه التزامه وشغفه بالمهنه وقالت إنه شخص محترم ومجتهد ودايمًا بيسعى يتعلم ويطور من نفسه وده خلى ناس كتير تتوقع إن فيه حاجه بينهم.
تارا قالت أحمد مالك بيحب شغله بجد وملتزم، ولو اشتغلنا مع بعض بيقول رأيه بصراحه وده حاجه بقدرها فيه وكمان بيعجبنى إصراره إنه يتعلم دايمًا
بس اللى ناس كتير مش واخده بالها منه، إن تارا ومالك ما اشتغلوش مع بعض غير مره واحده بس وده كان فى مسلسل تحقيق اللى اتعرض على منصة Watch It سنة 2022 وكان المسلسل من نوعية البطوله الجماعيه الشبابيه.
المسلسل شارك فيه كمان علي قاسم خالد أنور هدى المفتى مى الغيطى، زينب غريب وغيرهم، وبتدور أحداثه حوالين شاب بيلاقي روايه غريبه وبتخلى ناس كتير يعملوا جرائم تحت مبرر إنهم يحققوا توازن فى حياتهم وبيبدأ يدور ورا سر الروايه.
العمل من تأليف محمد الدباح وإخراج محمد فتحي شانك ومن إنتاج شركة أروما
