كشفت بعض الصحف النهارده الصبح إن نادي الهلال السعودي ناوي يعمل صفقه جامده في الدفاع، وده قبل ما يشارك في بطولة كاس العالم للانديه، اللي هيكون فيها مع فرق كبيره زي ريال مدريد وباتشوكا وسالزبورغ.
الهلال السنه دي حصلتله مشاكل دفاعيه كتير، وده خلاه يطلع من كاس الملك ومن دوري ابطال اسيا للنخبه بشكل صادم، وكمان فرصته بقت صعبه جدا في دوري روشن، خصوصاً بعد ما الاتحاد وسع الفارق لـ6 نقاط.
الإعلامي سلطان العتيبي قال إن الهلال عاوز يتعاقد مع جونكالوا إيناسيو، مدافع سبورتينغ لشبونه، اللي مقدم موسم نار مع فريقه وساعدهم يتصدروا الدوري البرتغالي قبل جولتين بس من النهايه.
إيناسيو كمان كان ليه دور كبير في تتويج فريقه بالدوري الموسم اللي فات، وسعره دلوقتي بيوصل لـ45 مليون يورو حسب ترانسفير ماركت، وعقده لسه مخلصش، هيفضل معاهم لحد يونيو 2027.
الهلال واضح إنه مش ناوي يروح كاس العالم يشارك وبس، شكله عاوز يعمل حاجه كبيره وبيجهز فريق تقيل.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
