مدبولي الطروحات الحكوميه شغاله وهنزود ملكيه البورصه والاستثمار
الدكتور مصطفى مدبولي رئيس الوزراء عقد اجتماع النهارده عشان يتابع آخر مستجدات برنامج الطروحات الحكوميه، وحضر معاه عدد من الوزرا والمسؤولين زي حسن عبدالله محافظ البنك المركزي، والدكتوره رانيا المشاط، ووزرا البترول والاستثمار والكهربا وغيرهم.
مدبولي قال إن البرنامج ده هدفه يعزز قدرات الدوله التمويلية ويوسع ملكية البورصه، وكمان يجذب استثمارات أكتر من القطاع الخاص ويديله فرصه يشارك في الاقتصاد بشكل أقوى وأكد إن الدوله ماشيه بخطى ثابته في تطبيق وثيقة سياسة ملكية الدوله
المستشار محمد الحمصاني، المتحدث الرسمي، قال إن الاجتماع ناقش الخطوات اللي اتاخدت من ساعة الإعلان عن البرنامج، وتم تنفيذ ٢١ صفقه في ١١ قطاع بإجمالي ٦ مليار دولار وأشار كمان إن الحكومة تعاقدت مع مؤسسه التمويل الدولية كمستشار للطروحات.
كمان ابتدوا إجراءات طرح تشغيل عدد من المطارات، وتم توقيع اتفاقيات بين صندوق مصر السيادي وجهاز مشروعات القوات المسلحه لطرح شركاتهم في البورصه بعد إعادة هيكلتها، وده هيتم بمساعدة مكاتب استشاريه محليه ودوليه متخصصه.
