مدبولي طروحات الحكومه ماشيه بخطى ثابته والبورصه هتكبر
الدكتور مصطفى مدبولي رئيس مجلس الوزراء اجتمع النهارده مع مجموعه من الوزرا والمحافظين عشان يتابعو آخر تطورات برنامج الطروحات الحكوميه، وكان ضمن الحضور محافظ البنك المركزي حسن عبد الله، والوزراء رانيا المشاط، كريم بدوي، حسن الخطيب، وغيرهم.
مدبولي قال في بداية الاجتماع إن الحكومة بتتابع البرنامج ده بشكل دوري عشان يعزز قدرة الدوله على توفير التمويل، ويوسع الملكيه في البورصه المصريه، ويشجع دخول القطاع الخاص بشكل أكبر في الاقتصاد.
كمان أضاف إن البرنامج جزء من تطبيق وثيقة سياسة ملكية الدوله وإنه فيه تعاون مستمر مع مؤسسات دوليه عشان تحسين كفاءة الشركات الحكوميه، وزيادة الشفافيه والحوكمه.
وقال المستشار محمد الحمصاني، المتحدث باسم مجلس الوزراء، إن الحكومه نفذت 21 صفقه في 11 قطاع لحد دلوقتي، بقيمة 6 مليار دولار، واتعاقدت مع مؤسسة التمويل الدوليه كمستشار.
كمان بدأو فعليًا في طرح وتشغيل مطارات، وفيه اتفاقيات بين صندوق مصر السيادي وجهاز مشروعات القوات المسلحه عشان طرح شركاتهم في البورصه بعد إعادة الهيكله، وده بالتعاون مع مكاتب استشاريه محليه ودوليه.
