غلق كلي لمنزل كوبري الأباجيه وصلاح سالم يتأثر بالحركه
بدأت إدارة مرور القاهره من الساعه 12 الصبح يوم الاتنين 5 مايو 2025 في تنفيذ غلق كلي لمنزل كوبري الأباجيه للناس اللي جايه من منشأة ناصر ورايحه على صلاح سالم وده ضمن تنفيذ مشروع الإزاله الخاص بالكوبري، واللي متوقع يخلص بعد 20 يوم.
المرور قالت إنهم عينو خدمات مروريه عشان يواجهو أي زحمه ممكن تحصل ويسهلو الحركه على الناس وتم التنسيق كمان مع الشركات اللي شغاله في المنطقه عشان يحطو علامات واضحه ومساعدات فنيه تبين إن في شغل هناك وكل ده عشان سلامة المواطنين.
أما عن التحويلات الجديده، فاللي جاي من الأوتوستراد من ناحية منشأة ناصر ورايح على صلاح سالم، هيمشي على مطلع المقطم وبعدها ياخد كوبري المقطم، وبعد كده يدور ويرجع من دوران الزرايب في اتجاه صلاح سالم.
التحويله ممكن تكون فيها تعب شويه للسواقين، بس المرور بيأكد إن الخطه محطوطه عشان تخفف الزحمه وتحافظ على السلامه لحد ما الأشغال تخلص تماماً.
