مدرسه أكتوبر المصريه اليابانيه تستقبل وزيرة التعليم الياباني لأول مره
استقبلت المدرسه المصريه اليابانيه في حدائق أكتوبر وزير التربيه والتعليم محمد عبد اللطيف، ومعاه وزيرة التعليم اليابانيه آبي توشيكو، ف زيارتها الأولى لمصر وكمان حضر إيواي فوميو سفير اليابان الزياره كانت علشان يتابعوا اللي وصلتله المدارس المصريه اليابانيه من نجاح ف أنشطه التوكاتسو وتنمية مهارات الطلبه.
الطلبه رحبوا بيهم وقدموا ورد، بعد كده الوزرا لفوا على الفصول وشافوا رياض الأطفال وبعض الأنشطه زي تلوين الرمال وشافوا الصاله الرياضيه وكمان الدروس داخل الفصول باستخدام الشاشات الذكيه واتكلموا مع الطلبه عن المواد اللي بيحبوها والثقافه اليابانيه.
تابعوا كمان مجلس التلاميذ اللي فيه ٣٣ طالب وعملوا جلسه عن مدونه نجاحاتنا وده بيشجعهم يتكلموا وينفذوا أفكارهم كمان شافوا معرض المشاريع اللي الطلبه عملوها من خامات معاد تدويرها زي العطور والكريمات.
الوزير عبد اللطيف شكر الوزيره اليابانيه، وقال إن المدارس دي نموذج ناجح من التعاون المصري الياباني واللي بيعلم الأطفال الانضباط والعمل الجماعي الوزيره اليابانيه انبهرت بالمستوى وأكدت إن التعاون هيستمر عشان نطوّر التعليم أكتر.
