الهلال يفاوض ماركو سيلفا والمدرب حاطط شرط غريب شوي
الهلال هالفتره شغالين على قدم وساق عشان يجيبون مدرب جديد قبل بداية كاس العالم للانديه اللي بتنلعب في أمريكا، بعد ما أعلن النادي قبل كم يوم عن إقالة المدرب البرتغالي خورخي خيسوس بسبب النتائج السيئه اللي ما ناسبت طموحات الجماهير ولا الاداره.
وحسب كلام الإعلامي حمود القحطاني، الهلال قريب جدًا من التوقيع مع المدرب البرتغالي ماركو سيلفا، اللي يعتبر من أبرز الأسماء اللي يبيها الهلال يقود الفريق في المحفل العالمي.
لكن ماركو سيلفا ما عطى موافقه نهائيه، لأنه حاطط شرط مهم حسب تغريدة القحطاني على منصة “إكس”، المدرب يبي عقد لمدة موسمين، والهلال للحين مصر على عقد لمدة سنه وحده بس، وهالشي ممكن يوقف الصفقة.
الهلال شايف إن عقد سنه كافي، خاصة إنه يبي يشوف شلون يكون مستوى الفريق معه، بس سيلفا يبي ضمان أكثر واستقرار فتره أطول.
الجماهير تنتظر القرار النهائي، وهل راح تتفق الاداره مع سيلفا؟ ولا بيروح الخيار لمدرب ثاني؟ كل شي ممكن يصير بالأيام الجايه.
