التعليم تعلن جداول وميعاد امتحانات ولادنا برا مصر للترم التاني
أعلنت منصة امتحانات الطلبه المصريين اللى برا مصر ع موقع وزارة التربيه والتعليم، عن جداول امتحانات الترم التاني ونهاية السنه، وقالت الوزاره إن الامتحانات هتبدأ يوم السبت 10 مايو 2025 حسب الجدول اللى هينزل على منصة أبناؤنا فى الخارج
الامتحانات دي هتكون للطلبه اللى امتحنوا الترم الأول 2024/2025 سواء كانوا فى مصر أو فى مدارس المسار المصري برا البلد.
وقالت الوزاره كمان إن لازم الطلبه يقدمو شوية أوراق مهمه عشان يسجلو للامتحان، منها
دفع 150 دولار رسوم امتحان على منصة أبناؤنا في الخارج.
تسجيل الكتروني للامتحان من على نفس المنصه.
تقديم استمارة التقديم، وأصل شهادة الميلاد، وبيان النجاح بتاع السنه اللي فاتت، وكمان بيان بدرجات الترم الأول للسنه دي.
وبالنسبه لرياض الأطفال، طلبت الوزاره من طلاب KG1 وKG2 تقديم الشهادات والبيانات اللى تثبت إنهم فعلاً مسجلين بمدارس رسميه سواء جوه مصر أو براها.
وأكدت الوزاره إن الأوراق لازم تكون رسميه وبالأصل، وإن مفيش تقديم من غيرها.
