اتفاق جديد بين الزراعة والإنتاج الحربي لتسويق معدات مدنية زراعية
شهد وزير الإنتاج الحربي محمد صلاح ووزير الزراعه علاء فاروق توقيع إتفاق تنفيذى بين الهيئه القوميه للإنتاج الحربي والشركه المصريه للتنميه الزراعيه والريفيه والبنك الزراعي المصري عشان يسوقو معدات الإنتاج الحربي الزراعيه زى الجرارات والرشاشات والمقطورات وغيرها، وده حصل في مقر الوزاره بالعاصمه الإداريه الجديده.
وقال الوزير محمد صلاح إن الإتفاقيه دي بتيجي في إطار تنفيذ توجيهات الرئيس السيسي بخصوص التعاون بين جهات الدوله لتحقيق التنميه الريفيه ووضح كمان إن الشركات التابعه للإنتاج الحربي هتستفيد من الطاقات الزايده في إنتاج منتجات مدنيه للمواطنين بجوده عاليه وأسعار منافسه، زي الأجهزة الكهربائيه وطفايات الحريق.
من ناحيته، علاء فاروق أكد إن البنك الزراعي المصري هيموّل عمليات شراء المنتجات دي للتجار والأفراد والشركات، على حسب القواعد الائتمانيه بتاعة البنك وكمان الشركه المصريه للتنميه الزراعيه والريفيه هتقوم بالدعايه والترويج للمعدات دي في كل الفروع بتاعتها المنتشره فى أنحاء مصر.
وأشار الوزيران إن التعاون ده هيساهم في تطوير الزراعه بشكل كبير وهيكون ليه مردود سريع وملموس.
