الأوقاف بتشتغل على تعظيم العوايد الوقفيه لدعم مشروعات التنميه
قال الدكتور أسامه الأزهرى وزير الأوقاف، إن الوزاره مركزه دلوقتي على تعظيم الإستفاده من موارد وأصول هيئة الأوقاف المصريه عشان تزود العائد وتخدم بيه مشاريع الدوله والخدمات الإجتماعيه وده كله ضمن خطه الدوله لتحقيق التنميه المستدامه.
وأوضح الوزير خلال كلمته في جلسة مجلس الشيوخ النهارده إن فيه تطوير مستمر لآليات الإستثمار الوقفي وبيتم حالياً تبني أفكار جديده ومبتكره لإدارة الأصول بطريقه أكثر كفاءه مع التوسع فى حجم الاستثمارات الوقفيه واللي بيعود بالنفع على المجتمع خصوصاً في الجانب الخدمي والاجتماعي.
وأكد الأزهرى إن الرئيس عبد الفتاح السيسي شدد على ضروره تعظيم الإستفاده من أصول الوقف وده اللى بتشتغل عليه الوزاره حاليًا بكل قوه، مشيراً إن في دراسه أظهرت إن ريع الوقف ممكن يتضاعف لو تم تغيير نظام الإدارة الحالي بأسلوب أكثر فعاليه.
وأضاف إن الهيئة كانت بتدير أملاكها بشكل مقبول قبل كده، لكن دلوقتي الشغل بقي أوسع وشامل أكتر، وكل ده عشان نوصل لعائد وقفى يخدم الناس ويحقق أهداف الأوقاف الأساسيه.
