فرحة أهلاوية كبيرة وسط طقطقة وسخرية من جماهير الهلال والاتحاد
الاحتفالات ماوقفت في جدة بعد ما توج الأهلي بلقب دوري أبطال آسيا للنخبة لأول مره بتاريخ النادي، بعد فوزه على كاواساكي الياباني 2-0، في مباراه كانت عنوانها “الحسم”.
بس فرحة المجانين ماعدت على خير، لأن جماهير الهلال والاتحاد طلعوا بطقطقة وسخرية، يمكن عشان القهر من فوز الأهلي، خصوصًا إنه طلع الهلال من نصف النهائي بثلاثيه مقابل هدف، واللي بسببها أقيل المدرب خيسوس من تدريب الزعيم.
الهلاليين حاولوا يهونون على نفسهم بطقطقة عالأهلي، رغم إن الراقي أضاف نجمه آسيويه في سجله، والهلال لسه متصدر القارة بأربع بطولات.
لكن الغريب إن حتى جماهير الاتحاد دخلت على الخط، وبدأوا يقارنون بين بطولاتهم القاريه اللي وصلوا فيها لبطولتين، وبين تتويج الأهلي.
من ناحيتهم، جماهير النصر كانوا رايقين، وباركوا للأهلي على البطولة، خصوصًا إنها جت على حساب منافسهم الأزلي الهلال، وهالشي زاد فرحتهم.
الواضح إن بطولة نخبة آسيا كشفت حساسية وغيرة كبيره بين أندية القمه، خصوصًا أندية الصندوق “الهلال والاتحاد”، من تتويج الأهلي اللي كسر العقده وحقق اللقب أخيرًا.
