وزير الخارجيه بيشارك فى مؤتمر العنف ضد الستات بالتكنولوجيا
شارك الدكتور بدر عبد العاطى وزير الخارجيه والهجره، يوم الاتنين ٥ مايو، فى الجلسه الافتتاحيه للمؤتمر العاشر العام لمنظمة المرأه العربيه اللى اتعقد تحت رعاية الريس عبد الفتاح السيسى بعنوان التواصل والتمكين وحماية الستات والبنات من العنف السيبرانى وعنف التكنولوجيا والذكاء الاصطناعى بحضور د مايا مرسى وزيرة التضامن ود فاديا كيوان مدير المنظمه، والمستشاره أمل عمار رئيسة القومى للمرأة.
المؤتمر كرم السفيرة ميرفت التلاوي، وزيرة التأمينات زمان، وادهالها درعين من المجلس والمنظمة.
وفى كلمته، الوزير عبد العاطى أكد إن الرئيس السيسى بيهتم بدور الستات ووجودهم كعنصر مهم فى تنمية المجتمع، وقال إن منظمة المرأه العربيه اللى مصر مستضيفه مقرها، بتعتبر منصه مهمه لتبادل الافكار والتجارب فى تمكين المرأة.
وأشار الوزير إن لازم نحمي الستات من العنف التكنولوجى، وندور على طرق نمنع بيها الخطر دا، ووضح إن مصر عندها قوانين زى مكافحة جرائم تقنية المعلومات، وتنظيم الاتصالات، بجانب حملات التوعيه.
واستعرض كمان تجربة مصر فى حقوق المرأه، والاستراتيجية لتمكينها ٢٠٣٠، ودورها ف البرلمان والقضاء وختم بكلمه تحية للست المصريه والعربيه، خصوصاً المرأه الفلسطينيه الصامده.
