منال عوض فى إجتماع سكرتير العموم انزلوا الشارع مش للمكاتب
عقدت الوزيره منال عوض، وزيرة التنميه المحليه إجتماع النهارده بالفيديو كونفرانس من مركز سيطرة الشبكه الوطنيه للطوارئ مع سكرتيرين عموم المحافظات، علشان تتابع موقف الخطة الإستثماريه فى الربع الأخير للسنه الماليه الحاليه، بحضور قيادات من الوزاره.
وأكدت الوزيره على ضروره إنهاء المشروعات فى ميعادها، وقالت لازم التنسيق مع الشركات والمقاولين علشان مفيش تأخير ويستفيد الناس كمان استعرضت ملفات التصالح فى مخالفات البناء وتقنين أراضى الدوله والمتغيرات المكانيه اللى بترصد التعديات.
شددت الدكتوره منال، إن فى تقارير بتروح لرئيس الجمهوريه ورئيس الوزراء بخصوص نسب الإنجاز ولازم يكون فيه حركه أكتر فى الملفات دى، خاصةً مع قرب انطلاق الموجه 26 لإزاله التعديات.
كمان طلبت من السكرتيرين إنهم ينزلوا يتابعوا على أرض الواقع الشغل، وبالذات المراكز التكنولوجيه، وقالت لازم نتعامل مع مشاكل الناس بسرعه وندى دعم كامل ليهم، خصوصًا بعد مد فترة التصالح لـ 6 شهور من 5 مايو 2025
واختتمت الوزيره كلامها وقالت إحنا مش بتوع مكاتب، انزلوا الشارع وشوفوا بنفسكم
