العصيمي: تغييرات إداريه جايه في النصر وبعض الأعضاء بيغادرون
كشف الإعلامي عبدالعزيز العصيمي عن مستجدات مهمه بخصوص مجلس إدارة شركة نادي النصر، واللي تنتهي فترته الحاليه في شهر يوليو الجاي، وأكد إنه فيه توجه جديد ممكن يغير شكل المجلس بالكامل.
العصيمي قال إن الجهات المعنيه تدرس إنها تلغي شرط إن أعضاء المجلس لازم يكونون من الجهة المالكة للنادي، وذا الشي راح يفتح الباب لناس من خارج الإطار المعتاد، ممكن يدخلون في إدارة النادي.
وأضاف العصيمي في تغريدة على حسابه بمنصة “إكس”: “مجلس إدارة شركة نادي النصر ينتهي في شهر سبعه القادم.
فيه توجه لعدم شرطية إن عضو المجلس يكون من الجهة المالكة، وبعض الأعضاء الحاليين ماراح يكملون”.
هالكلام يعني إن النصر رايح على مرحلة جديدة فيها إعادة هيكله إداريه، ممكن تأثر بشكل مباشر على إدارة النادي وتنظيمه، خصوصًا في ظل الوضع الرياضي الصعب اللي يمر فيه الفريق هالموسم.
النصر طلع من دوري أبطال آسيا من دور نصف النهائي، ولسه ينافس محليًا على دوري روشن، لكن التذبذب في النتائج مخلي الجماهير تنتظر هالتغييرات الإدارية يمكن تعيد التوازن للفريق وتصحح المسار.
