عادل الملحم يجلد بيولي ويقارن حال النصر بالهلال بعد آسيا
علق الناقد الرياضي المعروف عادل الملحم بطريقه صادمه على وضعية نادي النصر مع مدربه الإيطالي ستيفانو بيولي، خصوصًا بعد النتائج المخيبه وآخرها الخروج من بطولة نخبة آسيا قدام كاواساكي الياباني ٣-٢.
الملحم نشر تغريدة في “إكس” قال فيها: “خيسوس حقق مع الهلال أربع بطولات، وفريقه الثاني حاليًا، ولسه عندهم مشاركة في كأس العالم للأندية، وبرغم كذا أقيلوه طيب بيولي وش سوا؟ لا بطولات ولا أداء يشرح الصدر، وحتى لو فاز الفريق يكون فوز باهت”.
وأضاف: “بدال ما نسمع خبر إقالة، نشوف دعوه لحضور الجماهير ومؤازرة الفريق! والله شي غريب”.
الملحم ما وقف عند كذا، وقال: “أنا مو وصي على أحد، اللي يبي يحضر ويحط عيونه في الملعب الله يحييه، بس الحقايق واضحه النصر ضايع وموسمه انتهى بخروج آسيا، وأفضل شي ممكن يحققه إنه يطلع رابع”.
وختم كلامه ساخرًا من وعود الإدارة: “أما حكاية انتظروا صيف النصر، فهذي ما تختلف عن المثل: في الصيف ضيعت اللبن”.
