نيوم يتراجع عن صفقة كوليبالي والهلال يدور له مخرج صيفي سريع
فجّر الإعلامي عبدالعزيز المريسل مفاجأه بخصوص مستقبل السنغالي كوليبالي، مدافع الهلال، بعد ما كانت الأخبار تشير إنه قريب من نادي نيوم اللي صاعد حديثًا لدوري روشن السعودي.
المريسل بتغريده له على منصة “إكس”، لمح إن في مدافع أجنبي من أحد أندية دوري روشن بينتقل لنيوم، وقامت الدنيا وقتها، الكل قال أكيد كوليبالي، خصوصًا بعد مستواه اللي نزل الفترة الأخيره والانتقادات اللي طالت أداءه.
بس فجأه، وبحسب مصادر قريبه من نيوم، النادي تراجع عن الصفقة بدون توضيح الأسباب، والمريسل نفسه أكد الخبر.
وهذا خلى الأمور تلخبط شوي عند الهلال، اللي كان ناوي يخلص من راتب كوليبالي العالي اللي يوصل لـ26 مليون يورو بالسنه.
الهلال حالياً قاعد يدور على عروض خارجيه تصرف له كوليبالي، خصوصًا إن الفريق يجهز نفسه لمنافسات كأس العالم للأندية 2025، وناوي يعزز دفاعه بلاعبين خبره.
واضح إن الصيف بيكون ساخن في الهلال، وكوليبالي قد يكون أول المغادرين لو لقيوا له عرض مناسب.
