فريق طبي بسعود الطبيه ينقذ طفل من جلطات بسبب مرض نادر
قدر الله لفريق طبي بمدينة الملك سعود الطبيه أحد مكونات تجمع الرياض الصحي الأول إنهاء معاناة طفل عمره خمس سنوات كان يعاني من جلطات دماغ متكرره واتضح لاحقًا إنه مصاب بمرض نادر اسمه مويامويا واللي يعتبر من أصعب الأمراض المتعلقه بتضييق الشرايين الدماغيه.
وقالت الدكتوره مريم العتيبي، استشارية جراحة مخ وأعصاب أطفال والمشرفه عالفريق، إن حالة الطفل كانت معقده بسبب تضيق تدريجي في شرايين المخ واللي سبب له نقص بالترويه وظهور جلطات مستمره.
وأضافت إن الفريق سوا عمليه نادره ودقيقه جدًا تم فيها توصيل شرايين فروة الراس بالمخ في الجهتين، واللي تعتبر من الطرق المجربه بهالحالات لتحسين الترويه ومنع الجلطات والحمد لله العمليه نجحت والأعراض اختفت والطفل صار مستقر.
وأكدت إن هالنوع من العمليات قليل يصير عند الأطفال، ويحتاج لتشخيص بدري وتدخل طبي متخصص.
وهالنجاح يعكس مدى تطور الرعايه اللي تقدمها سعود الطبيه، ويأكد التزامهم بالعلاج المتطور اللي يرفع جودة حياة المرضى ويزيد ثقة الناس بالرعاية الصحيه المقدمه في منشآت التجمع الأول بالرياض.
