ريال مدريد ناوي على ثوره تغييرات كبيره فالصيف بعد موسم مخيب
ريال مدريد ناوي يقلب الطاوله الصيف الجاي، خصوصًا بعد موسم مش ولا بد، وخروجه من دوري الأبطال بدري خلا الإدارة تاخد قرار تعمل ثوره في تشكيل الفريق.
تقارير كتير بتتكلم إن النادي بيخطط يجيب لاعبين سوبر ويستغنى عن أسماء تانيه خلاص انتهى دورها، وكل ده عشان يرجع الملكي ينافس بقوه الموسم الجاي.
من أبرز الصفقات المتوقعه: ترينت أرنولد من ليفربول ببلاش، وزوبيمندي من سوسيداد بـ80 مليون، ودين هويسين من بورنموث بـ60 مليون، وكمان ساليبا من أرسنال بنفس السعر تقريبًا.
أما بالنسبه للراحلين، فالكلام كتير عن خروج ألابا وميندي عشان الإصابات والراتب العالي، وكمان فران جارسيا مش على قد التوقعات، وبراهيم دياز ورودريغو ممكن يمشوا لو جت عروض كويسه، غير مودريتش وفاسكيز اللي عقودهم بتخلص.
وفي مفاجأه كبيره، أنشيلوتي مش حيكمّل، وتشابي ألونسو هو المرشح الأقوى للقياده، خصوصًا بعد اللي عمله مع ليفركوزن بس لسه الإعلان الرسمي ماصدرش.
