غبار كثيف يغطي سماء الأفلاج ويسبب تدني واضح ف الرؤيه
منذ ساعات الصبح الأولى اليوم ومحافظة الأفلاج عايشه حاله جويه متقلبه، بسبب موجة غبار كثيفه غطّت سماء المحافظه بشكل كامل واستمرت لساعات طويله بدون توقف وسببت انخفاض كبير ف مستوى الرؤيه الافقيه خصوصاً على الطرق السريعه والمناطق المكشوفه.
اللي ساعد ف استمرار الغبار بالجو إن الرياح كانت شبه ساكنه، يعني ما فيه تحرك قوي يطرد الغبار، فظلّ الجو مُعلّق ومليان أتربه عالقه وخاصه بطريق الجنوب السريع وبعض المناطق الزراعيه اللي حوالين القرى.
الموجه هذي مأثّره سلباً على حركة السير، وبعض المدارس بالمنطقه وجّهت أولياء الأمور بمتابعة الوضع أول بأول، وبعضهم فضّل يخلي عياله بالبيت، رغم إن ما صدر شي رسمي بخصوص تعليق الدراسه.
الجهات المختصه تتابع الوضع عن قرب، وفيه توقعات بتحسن الأجواء خلال الساعات الجايه، بس للحين الغبار باقي، والرؤيه ضعيفه ف كذا موقع.
الدفاع المدني ناشد المواطنين والمقيمين إنهم يتجنبون التنقل الغير ضروري، خصوصاً اللي يعانون من مشاكل بالتنفس، وينتبهون للقياده بهالظروف. الجو للحين مغطى بالغبار، والأمل ف تحسن مع الساعات الجايه.
