توتنهام يخرب على الهلال صفقة سيلفا قبل كأس العالم
طلعت تقارير صحفيه اليوم عن تطورات جديده بخصوص مستقبل المدرب البرتغالي ماركو سيلفا، مدرب فولهام الحالي، واللي الهلال حاط عينه عليه علشان يمسك الفريق قبل كأس العالم للأندية اللي بتنلعب بأمريكا.
التقارير قالت إن توتنهام الانجليزي بدأ يفكر جدياً في التعاقد مع سيلفا، بعد تراجع مستوى فريقهم ومدربهم الحالي أنجي بوستيكوغلو اللي عليه ضغط كبير من الجمهور والإدارة.
الموضوع ده عمل ربكه في الهلال، خصوصاً إن الإدارة كانت ناوية تتعاقد مع ماركو سيلفا بعد ما أقالت خورخي خيسوس، وكانوا شايفين فيه المدرب الأنسب للمرحله الجايه.
حسب موقع “فوتبول إنسايدر”، إدارة توتنهام ناقشت موضوع سيلفا بجدية، وبيعتبرونه من أبرز الأسماء اللي ممكن تنقذ الفريق قبل ما الموسم يضيع.
ومن ناحيته، قال الإعلامي حمود القحطاني في تغريده على “إكس” إن سيلفا حط شرط واضح للهلال، وهو عقد لمدة موسمين، بس إدارة الهلال تبغى العقد يكون سنه وحده، وده اللي موقف التوقيع حالياً.
