مدرب برشلونه فليك يلمح لجلوس ليفا احتياط قدام الإنتر بدوري الأبطال
في مؤتمر صحفي قبل موقعة الإياب بين برشلونه وإنتر ميلان بدوري الأبطال، طلع المدرب الألماني هانز فليك بتصريحات ناريه عن وضع الفريق، وأكد إن ليفاندوفسكي ممكن ما يبدى أساسي بالمباراه.
فليك قال: “ليفاندوفسكي ممكن يبدأ من الدكه بسبب إصابته، هو جاهز بس ما قررنا إذا راح نبدأ فيه قدام الإنتر أو نخليه للريال بالجوله الجايه بالدوري”.
وأكد إن الفريق لازم يلعب ككتله وحده ويستمتع بالمباراه الحاسمه.
عن لامين يامال، قال فليك: “الكل يتكلم عنه، موهبه خرافيه وعبقري بالكوره، اللي سواه قدام الإنتر خلى الفريق يرجع لأجواء اللقاء”.
وسأله أحد الصحفيين إذا لازم يضغط على الفريق، فرد فليك: “بداية الموسم محد كان يتوقع نوصل لهالمرحله، حققنا لقبين وننافس على باقي البطولات، وأنا فخور باللاعبين وبالروح اللي يقدمونها”.
واختتم فليك كلامه وقال إنهم كطاقم فني يحللون كل شي ويعرفون إنهم عندهم مشاكل بالكرات الثابته، ووعد إنهم بيشتغلون عليها ويعدلون الأخطاء قبل موقعة سان سيرو اللي بتحدد مصير بطاقة النهائي.
