الاتحاد يجهز لمباراة النصر وسط أخبار عن دي يونج وتحركات جماهيريه
الاتحاد واصل استعداداته القويه قبل مواجهته الحاسمه قدام النصر يوم الأربعاء الجاي 7 مايو، على ملعب الأول بارك، ضمن منافسات الجوله 30 من دوري روشن.
الاتحاد يدخل اللقاء وهو في صدارة الدوري بـ 68 نقطه، متقدم بـ 8 نقاط عن الهلال الثاني، بينما النصر ثالث بـ 60 نقطه.
وفي آخر أخبار العميد، طفت تقارير أوروبيه تأكد إن برشلونة فتح ملف التجديد مع نجمه فرانكي دي يونج، واللي كان من أبرز أهداف الاتحاد في الصيف الجاي.
لسه المفاوضات ما وصلت لشي نهائي، لكن الاتحاد يراقب الوضع عن قرب.
المدرب الفرنسي لوران بلان راح يحدد يوم الثلاثاء موقف اللاعبين رايكوفيتش وبيرجوين من المشاركه قدام النصر، خصوصًا بعد عودتهم للتدريبات عقب الإصابات.
من ناحيه ثانيه، طالب أحد الإعلاميين المحسوبين على الاتحاد بنقل مباراة الفيحاء بالجوله 31 من ملعب الأمير عبدالله الفيصل لملعب الإنماء، والسبب سعة الجمهور، عشان يحضر جمهور أكثر.
المدرج الاتحادي كان له حراك مختلف، بعدما بدأت مقارنات حاره بينهم وبين جماهير الأهلي، بعد ما الأهلي توج بأول نسخه من دوري أبطال آسيا للنخبه، واللي خلّى المقارنات القاريه تشتغل من جديد.
