فلامنجو يتفق مع جورجينيو ويخطفه من آرسنال بعقد ثلاث سنوات
أفادت تقارير صحفيه إن نادي فلامنجو البرازيلي خلص كل التفاصيل مع الإيطالي جورجينيو، لاعب وسط آرسنال، علشان ينضم لهم في صفقه انتقال حر، بعد ما ينتهي عقده مع الجانرز في شهر يونيو الجاي.
الاتفاق بين الطرفين بقاله فتره بيتجه للنهائي، وكان فيه تجهيزات من شهر يناير، والموضوع قرب يخلص بشكل رسمي.
الصحفي المعروف فابريزيو رومانو قال إن جورجينيو وافق على البنود الشفهيه، والعقد حيكون لمدة 3 سنين لحد 2028.
جورجينيو كان انضم لآرسنال من تشيلسي في يناير 2023، وساهم مع الفريق بشكل جيد، رغم إنه مابيسجلش كتير.
اللاعب لعب 14 ماتش في الدوري الإنجليزي الموسم دا، وصنع أسيست واحد بس، بس دوره كبير في نص الملعب.
رغم إنه لسه من العناصر المهمه في تشكيلة أرتيتا، لكن اللاعب شكلًا رايح يكمل مشواره في أمريكا الجنوبيه، وده حيكون تحدي جديد تمامًا ليه.
لو تم الإعلان الرسمي، فلامنجو هيكون ضرب ضربه قويه في الميركاتو الصيفي.
