أوديغارد: خسرنا من بورنموث وهنعوضها قدام باريس بكل قوتنا
عبّر النرويجي مارتن أوديغارد، قائد فريق أرسنال، عن زعله الكبير بعد الخساره اللي حصلت لفريقه قدام بورنموث بنتيجة 2-1 في الجولة 35 من الدوري الإنجليزي، وقال إن الفريق ماكانش في يومه، بس لازم ينسوا اللي حصل ويركزوا على المواجهة الجايه المهمه ضد باريس سان جيرمان.
أوديغارد قال في تصريحات للصحفيين بعد الماتش: “إحنا زعلانين وغاضبين، بس لازم نحول الإحساس ده لقوة قدام باريس. ماتش كبير وأهميته عاليه ولازم نكون جاهزين مية في المية”.
باريس سان جيرمان هيستقبل أرسنال على ملعب حديقة الأمراء يوم الأربع الجاي، والمباراة دي هتكون صعبه لإن الفريق الفرنسي كسب الذهاب 1-0.
أوديغارد أكد إن كل اللاعيبه عارفين قيمة المباراة الجاية، ولازم يكونوا على قلب رجل واحد، عشان يعدّوا باريس ويوصلوا للدور اللي بعده في البطولة الأوروبيه.
واختتم كلامه: “المباراة دي لازم ندخلها بكل الحماس، لازم نرجّع ثقة الجمهور بينا ونثبت إن أرسنال مش سهل”.
