كشاف ريال مدريد جوني كالافات يحط عينه على جوهرة جديدة بالبرازيل
رادار جوني كالافات، كشاف نادي ريال مدريد المعروف، رصد موهبة برازيلية جديدة من العيار التقيل، واللي بيحاول يضمها للملكي على طريقة الصفقات اللي عملها قبل كده مع فينيسيوس جونيور، رودريغو، وأخيرًا إندريك.
حسب الصحفي إنريكي سانز، كالافات مركز دلوقتي على مهاجم شاب اسمه لويغي هانري، عنده 19 سنة وبيعلب في نادي بالميراس، واللي ناس كتير في البرازيل شايفينه واحد من أفضل المهاجمين الشباب في البلد دلوقتي.
الولد ده ماشي بخطى ثابتة، وعامل أرقام حلوة جدًا مع فريقه، وكشافين كتير بقت مركزة عليه، لكن كالافات عايز يسبق الكل ويتعاقد معاه قبل ما يلمع أكتر وتتزاحم عليه الأندية الأوروبية الكبيرة.
ريال مدريد بقاله كام سنة بيشتغل على استراتيجية ضم النجوم من سن صغير، ويبدو إن لويغي هانري هو الهدف الجاي، خصوصًا مع النجاح اللي عمله النادي مع البرازيليين اللي سبقوه.
الملكي مش ناوي يسيب حاجة للصدفة، وجوني كالافات شغال بأقصى طاقته عشان يضمن الموهبة دي قبل أي حد تاني.
