ليفربول عينه على ٣ مهاجمين جداد لتعزيز خط الهجوم الجاي
رغم إن ليفربول توّج بلقب الدوري الإنجليزي الموسم ده عن جدارة، بس الواضح إن الجهاز الفني بقيادة أرني سلوت مش راضي بنسبة 100٪ عن أداء الهجوم، خصوصًا مع غياب المهاجم الصريح اللي يخلص الكرات بشكل مستمر.
وحسب موقع “teamtalk”، فالنادي الإنجليزي حاطط عينه على ٣ مهاجمين كبار، وكلهم من العيار التقيل، وبيفكر في التعاقد مع واحد منهم خلال فترة الانتقالات الصيفية الجاية.
أولهم فيكتور غيوكيريس نجم سبورتينج لشبونة واللي عامل موسم ناري هناك.
والتاني هو بنجامين سيسكو مهاجم لايبزيغ، الشاب السلوفيني اللي لفت الأنظار مؤخرًا بسرعته وقوته البدنية.
أما الاسم التالت فهو فيكتور أوسيمين، نجم جلطة سراي التركي، اللي برضه مقدم موسم ممتاز وجايب أهداف كتير.
النادي لسه ما حسمش قراره، بس التقارير بتأكد إن إدارة ليفربول ناوية تدخل السوق بقوة عشان تدعم الهجوم وتسد الثغرة اللي كانت واضحة الموسم ده، خصوصًا مع طموحات سلوت الكبيرة لدوري الأبطال الموسم الجاي.
