ألفاريز يكشف تشكيلة برشلونة المتوقعه قدام إنتر قبل موقعة الحسم
كشف الصحفي خوسيه ألفاريز، اللي بيشتغل مراسل في برنامج الشيرينغيتو، من قلب مدينة ميلانو، عن التشكيله المتوقعه اللي هينزل بيها فريق برشلونة قدام إنتر ميلان، في مباراة العوده بنصف نهائي دوري أبطال أوروبا، اللي هتتلعب النهارده التلات بالليل.
وبحسب كلام ألفاريز، المدرب الألماني هانز فليك ناوي يدخل اللقاء بتشكيلة هجومية نوعًا ما، وجت التشكيله كالتالي:
في حراسة المرمي: تشيزني
وفي الدفاع: غارسيا، كوبارسي، إينيغو، وجيرارد مارتن
أما في نص الملعب: أولمو، دي يونغ، وبيدري
وفي الهجوم: لامين، رافينيا، وتوريس
المباراه دي محوريه وبتحدد مين اللي هيوصل النهائي، خصوصًا إن الذهاب كان مولع وانتهى ٣-٣ بين الفريقين، يعني الفرصه لسه مفتوحه لأي طرف.
الكتير من جمهور برشلونة مستني يشوف الفريق هيقدر يعدي من إنتر في قلب ميلانو ولا لأ، وناس كتير شايفه إن فليك لازم يكون حذر لأن الإنتر مش سهل، لكن فيه تفاؤل كبير بسبب أداء لعيبة زي بيدري ولامين اللي عملو شغل عالي في الفتره الأخيره.
