رافينيا يكشف جانب إنساني كبير من فليك في تعامله مع أنسو
كشف رافينيا لاعب برشلونة عن حاجه انسانيه جميله في شخصية مدرب الفريق هانز فليك، وخصوصًا في طريقه تعامله مع أنسو فاتي، اللي بيعاني السنه دي من قلة المشاركه في المباريات وقلة الدقايق داخل الملعب.
وقال رافينيا في حوار صحفي: “أنسو مش بياخد فرص كتير اليومين دول، بس فليك دايمًا بيهتم بيه، ومره كلمني شخصيًا وقاللي: كلّمه، طمنه، قوله إني مؤمن بيه ومش عايز يحس إني مش عايزه معانا، بالعكس أنا شايفه لاعب مهم جدًا”.
وأضاف كمان إن المدرب شايف إن الفريق حاليًا مستقر والنتايج كويسه، وإن أداء أنسو محتاج يتحسن شويه، بس ده مش معناه إنه مش ضمن خطط فليك، بالعكس المدرب واثق فيه جدًا ومش ناسي موهبته.
الحديث ده بيأكد إن فليك مش بس مدرب تكتيكي، لكن كمان إنساني وبيهتم بالنفسيات، خصوصًا اللاعبين الصغار زي أنسو اللي ممكن يتأثر بسرعه لو محسش بثقه الجهاز الفني.
جمهور برشلونة نفسهم يشوفو أنسو يرجع لمستواه تاني ويكون جزء كبير من المستقبل.
