الكوره السعوديه تعيش موسم تاريخي أندية ومنتخبات بتحقق المجد
الموسم الحالي كان فعلاً إستثنائي بالنسبه للكوره السعوديه، سواء على مستوى الانديه أو المنتخبات، وحققو إنجازات كبيره خلت اسم السعوديه يتصدر المشهد الآسيوي بكل قوه.
من ناحيه الأنديه، الهلال والنصر والتعاون وصلو لنصف نهائي البطولات القاريه، وده بيعكس قوة التنافس المحلي وعمق الفرق فنياً، وبيأكد إن الدوري السعودي بقى من أقوى الدوريات في آسيا، ويمكن حتى في العالم.
أما الأهلي ففاجئ الكل لما توج بلقب دوري أبطال آسيا للنخبه، وده إنجاز يضاف لتاريخ الكوره السعوديه ويأكد تفوقها في القاره.
بالنسبه للمنتخبات، المنتخب السعودي للناشئين ضمن تأهله لكاس العالم بعد غياب طويل استمر ٣٦ سنه، وكمان منتخب الشباب اتأهل لمونديال الشباب، في نقله واضحه في مستوى الفئات السنيه.
دلوقتي الكل مركز على المنتخب الأول، اللي بيستعد لتصفيات كاس العالم الشهر الجاي، والجماهير السعوديه كلها أمل إن الفريق يكمل السنه الذهبيه دي ويتأهل للمونديال، ووقتها نقدر نقول إن الكوره السعوديه فعلاً عايشه لحظة تاريخيه بكل معنى الكلمه.
