رافينيا بيشيد ببيدري وبيقول: مش واخد حقه زي ما يستاهل
قال رافينيا، لاعب برشلونة، إن زميله بيدري غونزاليس مش بياخد التقدير اللي يستاهله رغم اللي بيقدمه من مستوى عالي جدًا في الملعب، وأكد إنه شايفه من أفضل لاعبين الوسط مش بس في الدوري، لكن في العالم كله.
وقال رافينيا في تصريحات إعلاميه: “في رأيي بيدري مظلوم، مش بياخد التقدير اللي يليق بمستواه، هو لاعب كبير، وبيفرق في أداء الفريق، واللي بيتفرج على الماتشات بيفهم كويس هو بيعمل إيه جوه الملعب”.
وكمل وقال: “بيدري يتفوق على لاعيبه كتير، سواء في التمريرات أو قراءة اللعب، أو حتى في طريقه تحكمه في الرتم، بس للأسف مفيش تسليط ضوء عليه زي بعض النجوم التانيين”.
الجمهور البرشلوني شايف إن بيدري بقى من الأعمده الأساسيه في الفريق، وناس كتير بتتفق مع كلام رافينيا، وبتطالب إن اللاعب ياخد حقه إعلاميًا أكتر، خصوصًا إنه لسه صغير وعنده كتير يقدمه في السنين الجايه، ولو استمر كده ممكن يكون أسطوره من أساطير الكوره الإسبانيه.
