الشيخ سلمان بن إبراهيم يرفض تغيير عدد منتخبات كأس العالم
أعرب الشيخ سلمان بن إبراهيم آل خليفة، رئيس الاتحاد الآسيوي لكرة القدم والنائب الأول لرئيس الفيفا، عن رفضه التام لأي اقتراحات بتعديل عدد المنتخبات المشاركه في كاس العالم 2034، واللي هتستضيفه السعوديه.
وقال الشيخ سلمان في تصريحاته إن البطوله هتفضل زي ما هي بـ48 منتخب، حسب القرارات الرسميه اللي اتفق عليها الفيفا، ومفيش نيه لأي تغيير في الوقت الحالي، لأن القرارات دي معتمده من الجمعيه العموميه للفيفا.
وأضاف إن تغيير نظام البطولات الكبيره زي كاس العالم مش حاجه سهله، ومينفعش يتغير النظام على حسب رغبه أشخاص، لأن ده ممكن يسبب مشاكل كتير بعدين.
وأشار كمان إن في طلبات غريبه بقت تظهر، زي إضافة دول جديده لاستضافة كاس العالم 2030، وده ممكن يفتح باب فوضى لو فضلنا نغير.
وقال إن لو في تفكير لزيادة المنتخبات لـ64، يبقى لازم ده يتدرس بعد 2034، مش دلوقتي، وأكد إن متمسك بموقفه ضد أي تعديل في النظام الحالي.
تصريحاته جت في وقت بتنتشر فيه أخبار عن إن الفيفا بيدرس مقترحات لتوسيع عدد المشاركين، واللي ممكن تأثر على الاستقرار داخل الاتحاد.
