الهلال يعرض عقد ٣ سنوات لبرونو فيرنانديز قائد مانشستر يونايتد
قالت صحيفة الرياضيه إن إدارة نادي الهلال قدمت عرض رسمي علشان تتعاقد مع البرتغالي برونو فيرنانديز قائد مانشستر يونايتد، وده بعقد مدته ثلاث مواسم، ضمن خطط الزعيم لتقوية صفوفه قبل كأس العالم للأنديه الجايه في شهر يونيو.
الهلال واضح إنه ناوي يدخل بقوه البطوله العالميه، وبيسعى يحسم الصفقه بسرعه، خصوصًا إن الوقت يضيق، وعايزين اللاعب يكون جاهز مع الفريق في المعسكرات والاستعدادات.
رغم إن فيرنانديز مرتبط بعقد مع مانشستر لحد صيف 2027، إلا إن إدارة الهلال مستعده تدخل في مفاوضات مع النادي الإنجليزي، ولو وصل الأمر لدفع شرط جزائي أو كسر العقد إذا اللاعب وافق يجرب اللعب في الدوري السعودي.
المصادر بتقول إن فيه رغبه حقيقيه من الهلال واهتمام كبير باللاعب، لكن لسه موقف فيرنانديز نفسه مش واضح، وهل حابب يترك أوروبا ويروح للتجربه الجديده في السعوديه ولا لا.
جمهور الهلال متحمس للصفقه، وشايف إن وجود نجم بحجم برونو ممكن يضيف قوه كبيره للفريق، خصوصًا في وسط الملعب.
