مفاجأة الأسواق: أسعار الذهب تستقر اليوم الثلاثاء 6 مايو بعد قفزة قوية في الأسعار
وسط هدوء نسبي بعد حالة من التوتر والمضاربة، أسعار الذهب في السوق المصرية لسه محافظة على استقرارها مع بداية تعاملات يوم الثلاثاء 6 مايو الفين وخمسة وعشرين وكتير من التجار والمستهلكين كانوا متخوفين بعد القفزة الكبيرة اللي حصلت مبارح في الأسعار تقريبًا بستين جنيه على الجرام الواحد، واللي كانت نتيجة مباشرة لارتفاع سعر الذهب عالميًا ووصوله لمستويات قياسية حوالي تلات تلاف وتلتمية وتلتاشر دولار للأونصة والناس في الشارع وأصحاب محلات الذهب كانوا بيقولوا إننا بقينا نشوف الناس داخلة وخارجة تسأل وتستفسر أكتر ما بتشتري، الكل منتظر إيه اللي حيحصل بعد كده.
أسعار الذهب في السوق المحلي اليوم
المعدل ده من الاستقرار جاي بعد موجة عنيفة من الصعود والهبوط في الأسعار اليومين اللي فاتوا، وده كله مرتبط بتغيرات السوق العالمي وحركة الدولار اللي في الفترة الأخيرة بدأ يتراجع شوية قدام باقي العملات الرئيسية، وده طبعًا بيأثر على سوق الذهب هنا بشكل مباشر حسب كلام شعبة الذهب .
| العيار | السعر بالجنيه المصري |
|---|---|
| عيار 24 | 5382.86 جنيه |
| عيار 21 | 4710.00 جنيه |
| عيار 18 | 4037.14 جنيه |
| عيار 14 | 3140.00 جنيه |
| الجنيه الذهب | 37720 جنيه |
العوامل المؤثرة في أسعار الذهب
من ناحية تانية، الأسواق العالمية بتشهد حالة ترقب شديدة خصوصًا قبل اجتماع البنك الاحتياطي الفيدرالي اللي متوقع يعلن فيه عن ثبات أسعار الفائدة والتوقعات دي بتخلي ناس كتير تعتقد إن الذهب ممكن يفضل يتحرك في نطاق ما بين 3200 و3350 دولار للأونصة في الأيام الجاية وبس مع كده، في تحذيرات من إن أي خبر جديد أو تغير في الرسوم الجمركية أو مفاوضات تجارية ممكن يقلب الموازين بسرعة ويخلينا نشوف تقلبات كبيرة في الأسعار تاني سواء هنا في مصر أو حتى برا.
كل ده بيخلي السوق في حالة ترقب وكل الناس وأصحاب المحلات حاطين إيديهم على قلبهم، مستنيين يشوفوا هل الموجة دي من الاستقرار هتستمر ولا هنرجع ندخل في دوامة تقلبات تاني وفي النهاية، الذهب دايمًا بيظل الملاذ الآمن لما الدنيا تتقلب والناس تدور على الأمان.
