مفاجآت جديدة اليوم: أسعار البنزين والسولار في مصر تواصل الارتفاع وتخطي السولار حاجز 15 جنيه
خلال الساعات اللي فاتت، المصريين بقوا على أعصابهم بعد ما انتشرت أخبار عن تغييرات كبيرة في أسعار البنزين والسولار، اللي بقت حديث كل بيت وكل سواق في الشارع والأسعار الجديدة نزلت رسمي ومعاها حالة من الترقب وسط الناس، خصوصا بعد ما وصل سعر السولار لأكتر من 15 جنيه للتر لأول مرة.
كتير من أصحاب العربيات والنقل والتاكسي بقوا مش عارفين إزاي يواجهوا الزيادات دي، خاصة مع تأثيرها المباشر على أسعار المواصلات وكل السلع اللي بتتنقل من مكان لمكان والموضوع كمان شاغل البيوت لأنها مش بس أسعار بنزين وسولار، ده كمان أسعار أنبوبة الغاز اللي هي من أساسيات كل بيت.
تفاصيل أحدث زيادات في أسعار البنزين والسولار
سعر البنزين اليوم الزيادات دي جات بعد مراجعة لجنة التسعير التلقائي اللي بتعتمد على أسعار البترول العالمية وسعر صرف الدولار مقابل الجنيه، والمراجعة دي بتتعمل كل تلات شهور والحكومة قالت إنها مضطرة تواكب الأسعار العالمية عشان توازن بين الدعم والواقع الاقتصادي الجديد ومع دخول مايو، محطات البنزين في كل المحافظات بدأت تلتزم بالأسعار الجديدة، وأرقام الأسعار بقت على كل لسان.
| المنتج | السعر بالجنيه |
|---|---|
| بنزين 95 | 19 |
| بنزين 92 | 17.25 |
| بنزين 80 | 15.75 |
| سولار | 15.50 |
الغاز واسطوانات البوتاجاز وأثرها على بيوت المصريين
القرارات ما وقفتش عند البنزين والسولار، لكن وصلت كمان لأسعار الغاز واسطوانات البوتاجاز اللي الناس بتستخدمها في البيت وكمان في نشاطهم التجاري والصناعي والأسعار الجديدة أثرت بشكل فعلي على ميزانية البيوت، وده خلى الأسر المصرية تتكلم عن بدائل عشان تقدر تواجه زيادة المصروفات الشهرية.
| المنتج | السعر بالجنيه |
|---|---|
| اسطوانة منزلية | 200 |
| اسطوانة تجارية | 400 |
| طن الغاز الصب | 16000 |
| الغاز المستخدم في صناعة الطوب (لكل مليون وحدة حرارية) | 210 |
الناس في الشارع لسه في حالة ترقب وإحساس بالإحباط من الارتفاع الكبير في الأسعار، وكتير منهم بيطالبوا الحكومة بإجراءات لحماية الفئات المتوسطة والفقيرة من عبء الغلاء، خصوصا في ظل الظروف الاقتصادية الصعبة.
البعض بقى بيسأل: يا ترى هتكون دي آخر الزيادات ولا لسه في تعديلات تانية جاية؟ الكل مستني ومتابع ومش سايب خبر أو تصريح مسؤول إلا وبيحاول يفهم منه الصورة أوضح.
