مفاجأة غير متوقعة: تطبيق يساعدك في حساب الرسوم الجمركية للهواتف المستوردة من الخارج بكل سهولة Telephony
بدأت لما ناس كتير بقوا ياخدوا معاهم موبايلات زيادة وهم راجعين مصر من السفر ويرجعوا يبيعوها أو يهدوها في البلد والحاجة دي خلت الدولة تاخد قرار جديد من خلال مصلحة الجمارك المصرية، وده عشان ينظموا دخول أجهزة الموبايل المستوردة، ويضبطوا السوق، ويقللوا من التهرب الضريبي اللي كلف الدولة مليارات.
تفاصيل تطبيق الرسوم الجديدة على الموبايلات المستوردة
الموضوع ببساطة كده، لما أي حد يدخل مصر ومعاه موبايل واحد، مش هيدفع عليه جمارك ولكن لو جاب موبايل تاني معاه، لازم يدفع على الجهاز التاني ده حوالي 38.8% من قيمته! لازم كمان يسدد الضريبة دي في خلال 90 يوم بالكتير ولو اتأخر أكتر من كده، الخط والموبايل هيقفوا تماماً، ومش هتعرف تستخدمهم تاني.
طريقة تسجيل الموبايل عبر تطبيق تلفوني
عشان تسهل الإجراءات وتراعي الناس اللي ممكن تتلخبط في الورق، الدولة أطلقت تطبيق اسمه تلفوني بالتعاون مع الجهاز القومي لتنظيم الاتصالات والتطبيق ده بياخد دقايق وتكون مسجل كل حاجة من غير وجع دماغ:
- نزّل تطبيق تلفوني من App Store أو Google Play.
- سجل الرقم التسلسلي للموبايل IMEI في التطبيق.
- دخل بياناتك الشخصية زي رقم الموبايل وجواز السفر.
- هيظهرلك قيمة الرسوم الجمركية المطلوبة على طول.
- لو انت مش معفي من الضريبة، تقدر تدفع إلكترونياً من التطبيق نفسه.
اسعار الجمارك للهواتف المستوردة
| القيمة الأصلية للموبايل | الرسوم الجمركية (38.8%) | الإجمالي بعد الضريبة |
|---|---|---|
| 10000 جنيه | 3880 جنيه | 13880 جنيه |
| 15000 جنيه | 5820 جنيه | 20820 جنيه |
| 20000 جنيه | 7760 جنيه | 27760 جنيه |
ليه الدولة قررت تفرض الرسوم دي؟
الأرقام صادمة بصراحة، على حسب وزارة المالية، لقوا إن حوالي 95% من كل الموبايلات القادمة من بره ما كانتش بتدفع أي رسوم أو ضرائب! وده معناه خسارة بالمليارات سنوياً وخلال سنة واحدة، وصلت قيمة الموبايلات دي لـ 60 مليار جنيه، يعني في الشهر كنا بنخسر أكتر من 5 مليار جنيه.
إعفاءات وضوابط للعائدين من الخارج
الدولة حطت كمان استثناءات للناس اللي الموبايلات معاهم مش غالية قوي ولو سعر الموبايل أقل من 15 ألف جنيه، غالباً هتكون معفي من أي رسوم ومن أمثلة الأجهزة اللي ينطبق عليها الإعفاء:
- هواتف أوبو زي A3 و رينو 12F
- هواتف شاومي زي ريدمي نوت 13
- هواتف سامسونج زي جالاكسي 5G A25 و جالاكسي A16
باختصار، القانون الجديد هدفه تنظيم السوق وحماية الاقتصاد من التهرب، وفي نفس الوقت مسهل الإجراءات للناس وعن طريق تطبيق تلفوني كله بقى أسهل وأسرع، ومافيش مفاجآت في الجمارك وانت داخل البلد.
